«Ինտեր»-ը հաղթել է «Ուդինեզե»-ին. Մխիթարյանը մասնակցել է խաղին
Իտալիայի ֆուտբոլի առաջնության 31-րդ տուրում «Ինտեր»-ն արտագնա խաղում մրցել է «Ուդինեզե»-ի հետ:
Միլանյան ակումբին հաջողվել է առավելության հասնել 1:2 հաշվով: «Ինտեր»-ի կազմում աչքի են ընկել Հական Չալհանօղլուն ու Դավիդե Ֆրատեզին: «Ուդինեզե»-ից էլ գոլը խփել է Լազար Սամարջիչը:
Հայաստանի ֆուտբոլի ազգային թիմի նախկին ավագ Հենրիխ Մխիթարյանը «Ինտեր»-ի մեկնարկային կազմում էր, սակայն փոխարինվեց 68-րդ րոպեին:
Այս հաղթանակից հետո էլ «Ինտեր»-ը Սերիա Ա-ի մրցաշարային աղյուսակի առաջատարն է: Թիմն ունի 82 միավոր:
