Լեռնային Ղարաբաղի հայերի վերադարձի իրավունքն այսօր ոտնահարվում է. Օլիվյե Դըկոտինյի

ԼՂ-ից բռնի տեղահանվածների վերադարձի իրավունքը, որը ճանաչվել է Արդարադատության միջազգային դատարանի կողմից, այսօր ոտնահարվում է: Այս մասին X -ի իր միկրոբլոգում գրել է Հայաստանում Ֆրանսիայի դեսպան Օլիվիե Դըկոտինյին:

«9 ամիս տևած շրջափակումից և Ադրբեջանի կողմից դաժան ճնշումներից հետո Լեռնային Ղարաբաղից 100 հազար հայ ստիպված են եղել լքել իրենց տները։ Արդարադատության միջազգային դատարանի կողմից ճանաչված նրանց վերադարձի իրավունքն այսօր ոտնահարվում է»,- գրել է Ֆրանսիայի դեսպանը՝ հրապարակելով Մարտակերտի, Ստեփանակերտի, Դրմբոնի, Քարվաճառի և Սոթքի միջև ընկած հեռավորությունները ցույց տվող ճանապարհային նշանի լուսանկարը։

Sur la route de Stepanakert, désormais fermée.
➡️ 100.000 Arméniens du Haut-Karabagh ont été forcés de fuir leurs foyers après 9 mois de blocus et un assaut brutal de l’Azerbaïdjan.
➡️ Leur droit au retour, reconnu par la Cour internationale de justice, est aujourd’hui bafoué. pic.twitter.com/1LVweCIgxJ

— Olivier Decottignies (@O_Decottignies) March 26, 2024