Հիմա ունեք պատմական շանս, որ մարդկանց մոտ «կառոտկի» չտա՝ էդ ոնց կասկած չկա, բայց մեղադրանք կա. Աշոտյան
«Փաստացի ինձ մեղսագրված 3 հոդվածներից փողերի լվացումն ամենածանր է: Երբ գործի էվոլյուցիան նայում ենք, կտեսնեք՝ տարբեր մարմիններում՝ ԱԱԾ, ՀՔԾ, անգամ ակնարկ չի եղել, որ նման մեղադրանք կարող է լինել: Այդ մեղադրանքը ծնվել է Քննչական կոմիտեում, ամենավերջին պահին, երկու պատճառով: Այս հոդվածով հնարավոր պատիժը շատ մեծ է, ու հույս ունեին՝ օդից ծագած մեղադրանքով սաստկացնել ճնշումն իմ նկատմամբ: Մյուս պատճառն այն է, որ սա արվեց, որ ինձ վարկաբեկեն իմ միջազգային գործընկերների մոտ: Նրանց համար դա нерукопожатный հոդված է: Երկու պատճառն էլ չաշխատեց»,- ասաց Արմեն Աշոտյանը:
Վերջինս նշեց՝ մեղադրանքի նվազագույն շեմը հաղթահարված չէ, իր հետ կապված կասկած չկա, ինքը փողեր չի լվացել, և՛ Վերաքննիչ, և՛ Վճռաբեկ դատարանները հաստատել են դա, բայց մեղադրանքը մնացել է:
«Համաձայնեք, սա նորմալ չէ: Հիմա դուք ունեք պատմական շանս՝ մեր այս իրականության մեջ բուժիչ որոշում կայացնել, որ մարդկանց մոտ «կառոտկի» չտա, թե էդ ո՞նց եղավ, որ կասկած չկա, բայց մեղադրանք կա»,- ասաց Արմեն Աշոտյանը:
Մանրամասները՝ տեսանյութում:
