Այսուհետ Կոնվերս Բանկի հաճախորդ կարելի է դառնալ Converse Mobile-ում նույնականացմամբ

Կոնվերս Բանկը հայտարարում է Converse Mobile՝ նոր, ավելի մեծ հասանելիությամբ հավելվածի գործարկման մասին: Այսուհետ այն անվճար ներբեռնել ու բանկային ծառայությունների համալիր փաթեթից օգտվել կարող են նաև Բանկի հաճախորդ չհանդիսացող անձինք:

Բարի գալուստ Converse Mobile onboarding

Օnboarding-ը հավելվածի ներբեռնման միջոցով Բանկի հաճախորդ դառնալն է: Մենք ասում ենք՝ բարի գալուստ Converse Mobile և Կոնվերս Բանկ, և Ձեզ ենք առաջարկում բանկային համապարփակ ծառայություններ թվային հարմարավետ տիրույթում:

Հավելվածում գրանցման և Կոնվերս Բանկի հաճախորդ դառնալու համար բավարար է ներբեռնել հավելվածը, սեղմել «Գրանցվել», լրացնել համապատասխան դաշտերը, անցնել կենսաչափական նույնականացում և հաստատել հայտը:

Ինչո՞ւ անցնել onboarding

Թվային անվտանգ միջավայրում կատարելով մի քանի պարզ գործողություն, ծախսելով մի քանի րոպե՝ Դուք դառնում եք Կոնվերս Բանկի հաճախորդ ու Converse Mobile օգտատեր:

Այսօր Converse Mobile-ը Հայաստանում լավագույն լուծումներ և ամենաընդգրկուն հնարավորություններ առաջարկող բանկային հավելվածներից է: Այն հնարավորություն է տալիս անվտանգ ու ապահով միջավայրում 24/7 ռեժիմով կառավարել ֆինանսները՝ թվային տիրույթում իրականացնելով բանկային հիմնական բոլոր գործառնությունները.

Հաշիվների ու ֆինանսների կառավարում
Կոմունալ, հեռահաղորդակցության և կապի, պետական, համատիրությունների և այլ վճարումներ
Փոխանցումներ, այդ թվում՝ միջազգային
Ավանդադրում
Վարկավորում
Ներդրում պարտատոմսերում
Քարտերի պատվեր
Կենսաթոշակային հաշվի կառավարում և այլն

Գնահատելով հաճախորդների կարիքները և հետևելով ժամանակի պահանջներին՝ հավելվածը պարբերաբար թարմացվում է, ավելացվում են նոր հնարավորություններ: Երաշխավորվում է անվտանգության՝ միջազգային չափորոշիչներին համապատասխանող մակարդակ:

Հարմարավետությունը նաև անվտանգության մեջ է

Converse Mobile հավելվածի անվտանգությունն այսօր ապահովված է միջազգային չափորոշիչներին համապատասխան ծրագրային լուծումներով: Անվտանգության ապահովման տեսանկյունից առանցքային է նաև Trusted device տեխնոլոգիայի ներդրումը: Դրա շնորհիվ յուրաքանչյուր օգտահաշիվ նույնականացվում է մեկ՝ Բանկում գրանցված սմարթֆոնի կամ գաջեթի հետ: Այլ սարքից մուտքի դեպքում պահանջվում է կրկին անցնել նույնականացում՝ դրանով իսկ զրոյացնելով երրորդ անձանց կողմից Ձեր հավելվածին հասանելիության հավանականությունը:

Առաջիկա նորությունների մասին

Converse Mobile-ի հնարավորությունների ցանկն առաջիկա մեկ ամսում կհամալրվի ևս երկուսով. դրանում հասանելի կդառնա բանկային ծառայությունների փաթեթներից որևէ մեկին բաժանորդագրվելու հնարավորությունը և կներդրվի խնայողության նոր առաջարկ:

Մանրամասները՝ տեսանյութում