Չինաստանի ԱԳՆ-ն կոչ է արել ԱՄՆ-ին չեղարկել չինական ընկերությունների դեմ պատժամիջոցները
Չինաստանի արտաքին գործերի նախարար Վան Յին Մյունխենի անվտանգության համաժողովի շրջանակներում ԱՄՆ պետքարտուղար Էնթոնի Բլինկենի հետ հանդիպմանը պահանջել է չեղարկել չինական ընկերությունների դեմ ԱՄՆ-ի միակողմանի պատժամիջոցները։
Ինչպես հաղորդում է «ՌԻԱ Նովոստի»-ին, այս մասին հաղորդագրություն է տարածել Չինաստանի ԱԳ նախարարությունը:
«Վան Յին ԱՄՆ-ից պահանջել է չեղարկել չինական ընկերությունների և ֆիզիկական անձանց նկատմամբ ապօրինի միակողմանի պատժամիջոցները և չվնասել Չինաստանի օրինական շահերին և իրավունքներին զարգացման ոլորտում»,- ասված է հաղորդագրության տեքստում:
Նախարարի խոսքով՝ Միացյալ Նահանգները և Չինաստանը պետք է հավատարիմ մնան փոխադարձ հարգանքի, խաղաղ գոյակցության և շահեկան համագործակցության սկզբունքներին և ակտիվորեն ուղիներ փնտրեն երկու մեծ տերությունների միջև պատշաճ փոխգործակցության համար։
