Եվրոպայի խորհուրդը պետք է աշխատի Ադրբեջանի և Հայաստանի միջև խաղաղության հասնելու ուղղությամբ․ Միյատովիչ
Եվրոպայի խորհուրդը պետք է աշխատի Ադրբեջանի և Հայաստանի միջև խաղաղության հասնելու համար.
Այսօր մեկնարկած Եվրոպայի խորհրդի խորհրդարանական վեհաժողովի (ԵԽԽՎ) ձմեռային նստաշրջանի ժամանակ նման կարծիք է հայտնել Եվրոպայի խորհրդի մարդու իրավունքների հանձնակատար Դունյա Միյատովիչը։
«Ես խորհուրդ եմ տալիս Եվրոպայի խորհրդին ուժեղացնել իր գործունեությունը երկու երկրների միջև խաղաղություն հաստատելու համար»,-ասել է Դ. Միյատովիչը։
Նա ընդգծել է, որ երկու կողմերն էլ պետք է աշխատեն վերականգնել խաղաղությունը՝ հիմնված մարդու իրավունքների հարգման վրա՝ անկախ էթնիկական և ազգային պատկանելությունից։
«Միջազգային կազմակերպությունների գործունեությունը արդյունավետ կլինի միայն այն դեպքում, եթե երկու կողմերը համագործակցեն և միասին աշխատեն հանուն խաղաղության»,- եզրափակեց նա։
