Կառավարության շենքերը կծախեն կամ վարձով կտան. պաշտոնյաները կտեղափոխվեն կառավարական թաղամաս
Հայաստանի կառավարությունը որոշել է Երևանի կենտրոնը բեռնաթափելու նպատակով քաղաքի ծայրամասում կառուցել կառավարական թաղամաս։
Այս մասին այսօր հրավիրված մամուլի ասուլիսի ժամանակ հայտարարեց ՀՀ արդարադատության նախարար Գրիգոր Մինասյանը։
Ըստ նրա՝ նախկինում կար գաղափար՝ արդարադատության նախարարությունը, դատախազությունը և արդարադատության հետ կապված մնացած կառույցները տեղափոխել Երևանի կենտրոնից, բայց հետո որոշվել է կառավարական թաղամաս կառուցել։
«Պետական բոլոր գերատեսչությունները դուրս կգան կենտրոնից և կտեղակայվեն քաղաքին մոտ, բայց փաստացի՝ մարզում, և կենտրոնը կբեռնաթափվի, և այս հսկայական շինությունները, որոնք զբաղեցնում են պաշտոնյաները, կօգտագործվեն բիզնես նպատակով` վարձատրություն, վաճառք և շահույթ կգեներացվի»,- ասաց Մինասյանը՝ տեղեկացնելով նաև, որ նախագծի ղեկավարը փոխվարչապետ Տիգրան Խաչատրյանն է։
Մանրամասները՝ տեսանյութում։
