«Ֆրանսիայում ուզում են հայերից ավելի հայ լինել». Ալիև
Ադրբեջանի նախագահ Իլհամ Ալիևը այսօր, խոսելով ՄԱԿ-ի Կլիմայի փոփոխության հաջորդ տարվա գագաթնաժողովը հյուրընկալելու մասին, կրկին քննադատել է Ֆրանսիային՝ պնդելով, թե Փարիզը փորձում է «հայերից ավելի հայ լինել»։
«Հակաահաբեկչական գործողությունից հետո Արևմուտքի որոշ երկրներ անհիմն մեղադրանքներ հնչեցրին Ադրբեջանի հասցեին։ Թեև միջազգային հանրությունը տեսնում է, որ անգամ Հայաստանն է հաշտվել այս իրադրության հետ, և գագաթնաժողովը Ադրբեջանում անցկացնելը ևս մեկ անգամ փաստում է դա, որոշ քաղաքական առաջնորդներ Ֆրանսիայում ուզում են հայերից ավելի հայ լինել»,- ասել է Ալիևը։
