Թուրքիայի զինված ուժերն օդային գործողություններ են իրականացրել Իրաքի հյուսիսում

Թուրքիայի ազգային պաշտպանության նախարարությունը հայտարարել է Իրաքի հյուսիսում ահաբեկչական ճանաչված Քրդստանի աշխատավորական կուսակցության (PKK) դեմ օդային գործողության մասին։

Ուժային գործողության ընթացքում ոչնչացվել են 13 թիրախներ և մեծ թվով զինյալներ։

Քրդստանի աշխատավորական կուսակցության հետ զինված հակամարտությունը Թուրքիայում սկսվել է 1984 թվականին և վերսկսվել 2015 թվականին։ Հյուսիսային Իրաքում կան PKK-ի բազաներ, որոնց դեմ Թուրքիայի զինված ուժերը օդային և ցամաքային գործողություններ են իրականացնում։ Մոսուլից հյուսիս-արևելք ընկած Զլիկան ճամբարում թուրքական զորքերի առկայությունը երկար ժամանակ վեճի առիթ է հանդիսացել Բաղդադի և Անկարայի միջև, ինչը թուրքական կողմի պնդմամբ՝ արդարացնում է PKK-ի դեմ պայքարելու անհրաժեշտությունը: