Բայդեն. Մենք չենք կարող անտեսել պաղեստինցիների մարդկայնությունը
Իսրայելն ունի ինքնապաշտպանության իրավունք։ Մենք պետք է այնպես անենք, որ նրանք ունենան անհրաժեշտը իրենց ժողովրդին այսօր և միշտ պաշտպանելու համար: Այս մասին X-ի իր միկրոբլոգում գրել է ԱՄՆ նախագահ Ջո Բայդենը։
«Միևնույն ժամանակ, վարչապետ Նաթանյահուի հետ քննարկել ենք, թե Իսրայելն ինչպես պետք է գործի պատերազմի օրենքների համաձայն։ Սա նշանակում է պաշտպանել քաղաքացիական բնակչությանը մարտական գործողությունների ժամանակ այնքան լավ, որքան հնարավոր է:
Մենք չենք կարող անտեսել անմեղ պաղեստինցիների մարդկայնությունը, որոնք պարզապես ցանկանում են ապրել խաղաղության մեջ: Ահա թե ինչու ես համաձայնություն ձեռք բերեցի Գազայում պաղեստինցի խաղաղ բնակիչների համար մարդասիրական օգնության առաջին առաքման վերաբերյալ:
Եվ մենք չենք կարող հրաժարվել երկու պետությունների համակեցության վրա հիմնված լուծումից»,- նշել է ԱՄՆ նախագահը։
