ԱՄՆ նախագահը և Հռոմի պապը հեռախոսով քննարկել են Մերձավոր Արևելքի հակամարտությունը
ԱՄՆ նախագահ Ջո Բայդենը կիրակի օրը զրուցել է Հռոմի պապ Ֆրանցիսկոսի հետ և քննարկել Մերձավոր Արևելքում շարունակվող հակամարտությունը Իսրայելի և պաղեստինյան իսլամիստական ՀԱՄԱՍ խմբավորման միջև, ասվում է Սպիտակ տան հայտարարության մեջ։
Հաղորդման համաձայն, զրուցակիցները քննարկել են «տարածաշրջանում էսկալացիան կանխելու և Մերձավոր Արևելքում կայուն խաղաղության հասնելու համար աշխատելու անհրաժեշտությունը»։
Վատիկանը հայտնել է, որ հեռախոսազրույցը, որը տևել է մոտ 20 րոպե, «կենտրոնացել է աշխարհում տիրող կոնֆլիկտային իրավիճակների և խաղաղության ուղիների բացահայտման անհրաժեշտության վրա»:
