«Հայաստանը պետք է ընտրություն կատարի»․ Բայրամով
«Հայաստանը պետք է ընտրություն կատարի տարածաշրջանային համագործակցության և իր հարևանների նկատմամբ անօրինական ու անհիմն տարածքային պահանջների միջև», ըստ ադրբեջանական լրատվամիջոցների՝ այս մասին իր հոդվածում գրել է Ադրբեջանի արտգործնախարար Ջեյհուն Բայրամովը։
Նա մասնավորապես, նշել է, թե Բաքուն, դրսևորելով ռազմավարական համբերություն, տասնամյակներ շարունակ բանակցել է «իր տարածքի օկուպացիան դադարեցնելու, միջազգային կազմակերպությունների որոշումները կյանքի կոչելու» և միջազգային իրավունքի ապահովման ուղղությամբ։
«Հայաստանն այժմ պետք է ընտրություն կատարի տարածաշրջանային համագործակցության և իր հարևանների նկատմամբ անօրինական ու անհիմն տարածքային պահանջների միջև։ Իհարկե, այս հարցում կարևոր է նաև միջազգային հանրության դերը։ Չափազանց կարևոր է չաջակցել Հայաստանի ռևանշիստական փորձերին»,- գրել է Բայրամովը։
