Աննա Փիլոսյանը ստանձնել է Մհեր Մկրտչյանի շահերի պաշտպանությունը
Նախկին դատավոր, այժմ փաստաբանական գործունեություն ծավալող Աննա Փիլոսյանը ստանձնել է Մհեր Մկրտչյան արտիստական թատրոն նախկին գեղարվեստական ղեկավար Մհեր Մկրտչյանի շահերի պաշտպանությունը։ Այս մասին նա հայտնում է իր ֆեյսբուքյան էջում։
Աննա Փիլոսյանի գրառումը` ստորև։
«Ի գիտություն լրատվամիջոցների.
Հայտնում եմ, որ ստանձնել եմ Մհեր Մկրտչյանի շահերի ներկայացուցչությունը Երևանի քաղաքապետարանի դեմ մեր հարուցած դատական գործում։
Քաղաքապետի որոշմամբ՝ «Մհեր Մկրտչյան» արտիստական թատրոնի գեղարվեստական ղեկավարի հաստիքը վերացվել է, և այդ հիմքով թատրոնի հիմնադիրների՝ Մհեր (Ֆրունզ) Մկրտչյանի և Ալբերտ Մկրտչյանի ավանդույթը շարունակող Մհեր Մկրտչյանն աշխատանքից ազատվել է։
Մենք պնդում ենք, որ (1) գեղղեկի հաստիքի կրճատումը ոչ իրավաչափ է, (2) ամեն դեպքում՝ Մկրտչյանին պետք է առաջարկվեր գեղղեկի հաստիքի փոխարեն ստեղծված նոր հաստիքը՝ «գեղարվեստական խորհրդականի» հաստիքը։
ՀԳ. Թե ինչու է քաղաքապետարանը Մկրտչյանների անունն ու շունչը կրող թատրոնից հեռացնում Մհերին, կարծում եմ, մեկնաբանման կարիք չունի»։
