Մակրոնը մտադիր է ուժեղացնել ճնշումը Բաքվի նկատմամբ և հանդիպել Հայաստանի ու Ադրբեջանի ղեկավարների հետ
Ֆրանսիայի նախագահ Էմանուել Մակրոնը դեսպանների համաժողովում ասել է, որ այս շաբաթ բանակցություններ կվարի Հայաստանի և Ադրբեջանի ղեկավարների հետ և հանդես կգա նոր դիվանագիտական նախաձեռնությամբ՝ Լեռնային Ղարաբաղում հակամարտությունը կարգավորելու համար։
«Այս շաբաթ ես կխոսեմ Նիկոլ Փաշինյանի և Իլհամ Ալիևի հետ։ Մենք պահանջելու ենք Լաչինի մարդասիրական միջանցքի վերաբերյալ պայմանավորվածությունների լիարժեք պահպանում։
Ինչպես նաև նոր դիվանագիտական նախաձեռնություն կսկսենք, որպեսզի միջազգային ասպարեզում ուժեղացնենք ճնշումը Ադրբեջանի վրա»,- ասել է Ֆրանսիայի նախագահը։
