Թուրքիայի և Իրանի արտգործնախարարները հեռախոսազրույց են ունեցել
Թուրքիայի արտգործնախարար Հաքան Ֆիդանը հեռախոսազրույց է ունեցել Իրանի իր գործընկերոջ՝ Հոսեյն Ամիր Աբդոլահիանի հետ։
Ինչպես տեղեկացրել են Թուրքիայի ԱԳՆ-ից, կողմերը քննարկել են Եվրոպայի մի շարք երկրներում Ղուրանի պղծման դեպքերը։
Դիվանագետները քննարկել են Իսլամական համագործակցության կազմակերպության (ԻՀԿ) գործողությունները և Անկարայի ու Թեհրանի համատեղ քայլերը՝ ի պատասխան մուսուլմանների սուրբ գրքի հանդեպ ոտնձգությանը։
Ըստ թուրքական ԶԼՄ-ների, կողմերը նաև անդրադարձել են երկկողմանի հարաբերությունների ներկայիս վիճակին։
