Վրաստանում համակարգչային հանցագործությունների թիվն աճել է
Վրաստանի ներքին գործերի նախարարության (ՆԳՆ) հրապարակած վիճակագրական տվյալների համաձայն, 2023 թվականի հունվար-մարտ ամիսներին, նախորդ տարվա նույն ժամանակահատվածի համեմատ, համակարգչային հանցագործությունների թիվն աճել է 4.9 տոկոսով կամ 12 դեպքով։ Այս մասին գրում է aliq.ge-ն։
Ըստ ՆԳՆ-ի՝ այս տարվա առաջին 3 ամիսներին գրանցվել է համակարգչային հանցագործության 257 դեպք։ Բացահայտվել է 109 գործ, և բացահայտման գործակիցը, համապատասխանաբար, կազմում է 42,41 տոկոս։
2022 թվականի հունվար-մարտ ամսիներին արձանագրվել է 245 գործ, որից 84 գործ բացահայտվել է, իսկ բացահայտման գործակիցը կազմել է 34.29 տոկոս։
