ՌԴ խաղաղապահները քայլեր են ձեռնարկում իրավիճակը կարգավորելու ուղղությամբ․ Արցախի նախագահի խոսնակը՝ Լաչինի միջանցքում Ադրբեջանի անցակետի մասին
Ռուսաստանի Դաշնության խաղաղապահները քայլեր են կատարում Լաչինի միջանցքում Ադրբեջանի կողմից անցակետ տեղադրելուց հետո ստեղծված իրավիճակը կարգավորելու ուղղությամբ։
«Արմենպրես»-ի հետ զրույցում այս մասին ասել է Արցախի նախագահի մամուլի խոսնակ Լուսինե Ավանեսյանը։
«Իրավիճակի զարգացմանը զուգահեռ՝ տեղեկություններ կհաղորդվեն»,-հավելեց Ավանեսյանը:
Ադրբեջանն ապրիլի 23-ին անցակետ է տեղադրել Լաչինի միջանցքում՝ Հակարի կամրջի վրա։ Ադրբեջանի այս քայլը դատապարտող հայտարարություններ են տարածել Հայաստանի և Արցախի արտաքին գործերի նախարարությունները՝ շեշտելով, որ դա հակասում է 2020 թվականի նոյեմբերի 9-ի եռակողմ հայտարարությանը։ Լաչինի միջանցքում Ադրբեջանի կողմից անցակետ տեղադրելու փաստի առնչությամբ մտահոգություն են հայտնել նաև ԱՄՆ-ն, Ֆրանսիան, Ռուսաստանը, ԵՄ-ն։
