Ո՞ր փողոցները կանվանակոչվեն Սոս Սարգսյանի, Հրանտ Մաթևոսյանի, Արմեն Խոստիկյանի, Հենրիկ Մալյանի անուններով
2023 թվականի մարտի 15-ին կգումարվի Երևան քաղաքի ավագանու 10-րդ նստաշրջանի 2-րդ նիստը, որի ընթացքում Երևան քաղաքի Արաբկիրի 45-րդ փողոցը կանվանակոչվի հայ նշանավոր կինոռեժիսոր, սցենարիստ, ՀԽՍՀ և ԽՍՀՄ ժողովրդական արտիստ Հենրիկ Մալյանի անվամբ` «Հենրիկ Մալյան փողոց»:
Երևան քաղաքի Արաբկիրի 47-րդ փողոցը կանվանակոչվի թատրոնի և կինոյի հայ անվանի դերասան, ԽՍՀՄ ժողովրդական արտիստ Սոս Սարգսյանի անվամբ` «Սոս Սարգսյան փողոց»:
Ներքին Շենգավիթի 12-րդ փողոցը կանվանակոչվի կինոյի, հեռուստատեսության և թատրոնի դերասան Արմեն Խոստիկյանի անվամբ՝ «Արմեն Խոստիկյան փողոց»։
Դավթաշենի 2-րդ փողոցը կանվանակոչվի հայ արձակագիր Հրանտ Մաթևոսյանի անվամբ` «Հրանտ Մաթևոսյան փողոց»:
Ներքին Շենգավիթի 1-ին փողոցը կանվանակոչվի հայ բանաստեղծ Հովհաննես Գրիգորյանի անվամբ՝ «Հովհաննես Գրիգորյան փողոց»։
Արաբկիրի 38 փողոցը կանվանակոչվի ճարտարապետ Աննա Տեր-Ավետիքյանի անվամբ՝ «Աննա Տեր-Ավետիքյան փողոց»։
Նորք-Մարաշ վարչական շրջանի Նորքի 8-րդ փողոցը կանվանակոչվի գեղանկարիչ, ՀԽՍՀ ժողովրդական նկարիչ Էդուարդ Իսաբեկյանի անվամբ` «Էդուարդ Իսաբեկյան փողոց»:
Նորք-Մարաշ վարչական շրջանի Նորքի 9-րդ փողոցը կանվանակոչվի հայ քանդակագործ, ՀԽՍՀ ժողովրդական նկարիչ Սարգիս Բաղդասարյանի անվամբ` «Սարգիս Բաղդասարյան փողոց»:
