Բոբ Մենենդեսը Թուրքիային մեղադրել է հայերին սպանելու համար Ադրբեջանին ռազմական աջակցություն ցուցաբերելու մեջ
Մինչ Թուրքիայի և Հունաստանի միջև լարվածությունը շարունակվում է, Անկարայի կողմից ԱՄՆ-ից F-16-ների և արդիականացման սարքավորումների գնման վերաբերյալ հայտարարություն է արել ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսը:
Այս մասին հայտնում է Kurdistan24-ը:
Նա անդրադարձել է Թուրքիայի նախագահ Ռեջեփ Թայիփ Էրդողանի՝ դեկտեմբերի 11-ի հայտարարությանը, որում նա ասել էր «եթե Աթենքը հանգիստ չմնա, մենք կհարվածենք»։
Սենատում ելույթ ունենալով ՝ Մենենդեսը Էրդողանի հայտարարությունների մասին ասել է.
«Դա ոչ միայն մտահոգիչ է, այլեւ անընդունելի»։
Իր ելույթի ժամանակ Մենենդեսը ցույց տվեց է տվել Էրդողանի լուսանկարը Ռուսաստանի նախագահ Վլադիմիր Պուտինի և Իրանի նախագահ Իբրահիմ Ռայիսիի հետ՝ ասելով.
«Բացի Էրդողանի՝ իր երկրում իրականացվող ճնշումներից, նրա դիվանագիտական քաղաքականությունը նույնպես բացարձակապես սարսափելի է: Եթե մարդու իրավունքների ոտնահարման դեմ կանգնելը ինձ դարձնում է Էրդողանի թշնամին, եթե խաղաղ հայ բնակչությանը սպանելու համար Ադրբեջանին զենքով աջակցության դեմ լինելը ինձ դարձնում է Էրդողանի թշնամին, ասելը, թե Թուրքիան պետք է ճանաչի Հարավային Կիպրոսը և հարգի Հունաստանի տարածքային ամբողջականությունը ինձ դարձնում է
Էրդողանի թշնամին, ապա ես հպարտությամբ կկրեմ այդ կոչումը»,-հավելել է նա:
«Որպես Սենատի արտաքին հարաբերությունների հանձնաժողովի նախագահ՝ ես չեմ հաստատի F-16-ների վաճառքը, քանի դեռ Էրդողանը չի դադարեցնի իր ագրեսիվ պահվածքը ողջ տարածաշրջանում»,- ասել է Մենենդեսը։
