Երևանի 2023թ. բյուջեի ու զարգացման ծրագրի նախագծերը կդրվեն ավագանու քննարկման
Երևանի քաղաքապետին կից քաղաքային համայնքի զարգացման հնգամյա ծրագրի և տարեկան բյուջեի կառավարման խորհրդի նիստում քաղաքապետի առաջին տեղակալ Լևոն Հովհաննիսյանը հայտնել է, որ այս տարի հանրային լսումներ են կազմակերպվել վարչական շրջաններում: Այս մասին տեղեկանում ենք Երևանի քաղաքապետարանի հաղորդագրությունից:
Նշվում է, որ 190 մասնակցից ստացվել է ավելի քան 30 առաջարկ, 12 հոգի էլ մասնակցել է քաղաքապետարանում անցկացված հանրային բաց լսմանը, իսկ առցանց հարթակով քաղաքացիներից ստացվել է 45 առաջարկ:
Նախագծերը կներկայացվեն ավագանու առաջիկա քննարկմանը:
