ՀՀ ՄԻՊ ներկայացուցիչները բոլոր մարզերում կանցկացնեն քաղաքացիների ընդունելություն և քննարկումներ
Մարդու իրավունքների միջազգային օրը՝ դեկտեմբերի 10-ին, ՀՀ ՄԻՊ ներկայացուցիչները ՀՀ բոլոր մարզերում կանցկացնեն անձանց ընդունելություն և քննարկումներ։
Ինչպես հայտնում են ՄԻՊ գրասենյակից, քաղաքացիները կարող են տեղում ստանալ խորհրդատվություն, դիմումներ ներկայացնել Պաշտպանին։ Կքննարկվեն նաև մարդու իրավունքներին առնչվող հարցեր տեղական հասարակական կազմակերպությունների մասնակցությամբ։
ՄԻՊ ներկայացուցիչները մարզերում կլինեն մինչև ժամը 18։00-ը։
