Անհոյ նահանգը Չինաստանի տնտեսական զարգացման և մշակութային կյանքի անբաժան մասն է
Չինաստանի Անհոյ նահանգի այցեքարտը բացառիկ գեղեցկությամբ լեռներն են, ուրույն համ ունեցող թեյերը ու արագ տեմպերով զարգացող քաղաքներն են:
Չինաստանի միջազգային մեդիա հաղորդակցության կենտրոնի նախաձեռնած ծրագրին մասնակցող լրագրողները ճանաչողական այց կատարեցին Անհոյ նահանգ:
Անհոյ նահանգը տեղակայված է Չինաստանի արևելյան հատվածում է: Նահանգը երկրի տնտեսական աճի և մշակութային կյանքի անբաժանելի մասն է կազմում:
Չինաստանում նահանգն առավել կարճ տարբերակով անվանում են Ին:
Այս նահանգը համաշխարհային համբավ ունի իր երեք լեռների, երեք գետերի և երկու լճերի շնորհիվ: Հուանգշան լեռը (երբեմն կոչվում է դեղին լեռ) հայտնի է իր վեհությամբ և հանգստությամբ: Այն ընդգրկված է մշակույթի համաշխարհային ժառանգություն, բնության համաշխարհային ժառանգություն և համաշխարհային գեոպարկ ցանկերում:
2000 թվականին ՅՈՒՆԵՍԿՕ-ի համաշխարհային մշակութային ժառանգության ցուցակում ընդգրկվել են նաև Սիդի և Հոնգոնգ հնագույն գյուղերը, որոնք գտնվում են Անհոյի հարավում: Դրանք համարվում են «աշխարհի ամենալավ պահպանված հնագույն բնակավայրերը» և «աշխարհի ամենագեղեցիկ գյուղերը»:
Անհոյ նահանգը հայտնի է նաև բացառիկ և յուրահատուկ համեր ունեցող թեյերով, որոնք մեծ տարածում ունեն ամբողջ Չինաստանում: Թեյի հարյուրավոր տեսակների շարքում նահանգի բնակիչներն առանձնացնում են 4-ը` «Հուանգշան Մաոֆենգ», «Կիմոն Սև թեյ», «Լուան Գուպիեյն» և «Տայփինգ Հուկու»:
Անհոյի մարզկենտրոնը` Հեֆեյը, մեծ զարգացման մեծ ներուժ ունեցող քաղաք է, որն ունի 3000 տարվա պատմություն: Քաղաքի ընդհանուր մակերեսը 11,4 հազար քառակուսի կիլոմետր է, մշտական բնակչության թիվը՝ մոտ 10 միլիոն: Այն Չինաստանի ամենաարագ զարգացող քաղաքն է վերջին երկու տասնամյակների ընթացքում
Քաղաքի ՀՆԱ-ի ծավալը 2021 թվականին կազմել է 1,14 տրիլիոն յուան, որը 19-րդն է չինական քաղաքների շարքում:
Հեֆեյը համարվում է միջազգային նշանակության նորարարական քաղաք: Մարզկենտրոնում գործունեություն են ծավալում մոտ 10 միջազգային գիտական կենտրոններ: Այս քաղաքում են տեղակայված մի շարք արտադրական կենտրոններ, գործարաններ, ինչպես օրինակ ավոտարտադրության ոլորտում հեղինակություն վայելող, բեռնատար մեքենանների արտադրությամբ զբաղվող JAC ընկերությունը:
