ՌԴ-ից Վրաստան է մուտք գործել 222.274 մարդ
Վրաստանի ներքին գործերի նախարարության (ՆԳՆ) պաշտոնական վիճակագրության համաձայն՝ այս տարվա սեպտեմբերին Ռուսաստանի Դաշնությունից Վրաստան է մուտք գործել 222 հազար 274 մարդ, իսկ նախորդ տարվա նույն ժամանակահատվածում՝ 36 հազար 407 մարդ։ Այս մասին գրում է aliq.ge-ն։
ՆԳՆ-ի փոխանցմամբ, տվյալներն աճել են նույնիսկ կորոնավիրուսի համաճարակին նախորդած ժամանակահատվածի համեմատ։
Հարկ է նշել, որ Ռուսաստանում մասնակի զորահավաքից հետո վրաց-ռուսական «Կազբեգի-Վերին Լարս» անցակետով Վրաստան այցելողների թիվն ավելացել է։
