Ճապոնացի հետազոտողներն արհեստական ինտելեկտի օգնությամբ ստեղծել են Բուդդայի հետ հաղորդակցվելու գործիք
Ո՞րն է երջանկության իմաստը: Ինչո՞ւ չհարցնել AI Բուդդային՝ Ճապոնիայի գիտնականների կողմից ստեղծված գործիք, որը հնագույն սուրբ գրություններից հոգևոր առաջնորդություն է բերում անմիջապես ձեր սմարթֆոնին:
Անսովոր զարգացումը պատկանում է Կիոտոյի համալսարանի մի խումբ կրոնական գիտնականների և հետազոտողների: Նրանք ստեղծել են բոտ՝ վերապատրաստելով այն ավելի քան 1000 ուսմունքներով բուդդայական տեքստերից, ինչպիսիք են Sutta-Nipata-ն և Dhammapada-ն: Յուրաքանչյուր ոք, ով ցանկանում է լուսավորություն ձեռք բերել, կարող է հարց տալ արդյունքում ստացված «թվային Բուդդային»,- գրում է Phys.org-ը:
Առայժմ համակարգը հասանելի է միայն գիտնականներին և համալսարանականներին, սակայն ապագայում, բոտի և AI Բուդդա գործիքի հիման վրա նրանք նախատեսում են մշակել բջջային հավելված։ Բոլոր օգտվողները կկարողանան փորձարկել այն: Այն, հավանաբար, նման կլինի հանրաճանաչ մեդիտացիոն ծառայություններին, ենթադրում է աղբյուրը։
«Բուդդայական սուրբ գրությունները ներկայացնում են հին ժամանակների իմաստությունը»,- ասում են գիտնականները։ «Մեր նպատակն է, որ ժամանակակից հասարակության մարդիկ կիրառեն այս հին իմաստությունն իրենց կյանքում և փնտրեն ավելի երջանիկ լինելու ուղիներ»:
Սիրարփի Աղաբաբյան
