Կիևին հեռահար զենքի մատակարարումը կարմիր գիծ է Ռուսաստանի համար․ ռուս դիվանագետ
ՌԴ ԱԳՆ-ն Կիևին հեռահար զենքի մատակարարումն անվանել է Ռուսաստանի համար կարմիր գիծ։ Արևմուտքի կողմից Կիևին հեռահար կամ ավելի հզոր զենքի մատակարարումը կարմիր գիծ կդառնա Ռուսաստանի համար. այս մասին ՏԱՍՍ-ին տված հարցազրույցում ասել է ՌԴ ԱԳՆ ԱՊՀ երկրորդ վարչության տնօրեն Ալեքսեյ Պոլիշչուկը։
«Ինչ վերաբերում է այսպես կոչված կարմիր գծերին, մենք դրանք արդեն նախանշել ենք, դրանք առաջին հերթին հեռահար կամ ավելի հզոր զենքերի մատակարարումն են Կիևին, ինչպես նաև ԱՄՆ-ի և նրա դաշնակիցների գործողություններին արձագանքելու կոնկրետ միջոցների կիրառումը»,- ասել է Պոլիշչուկը։
Դիվանագետի խոսքով, Ռուսաստանը բավականաչափ գործիքներ ունի դրանք իրականացնելու համար։
