Ովքեր պետք է հրաժարվեն միս ուտելուց
Կարմիր մսի կանոնավոր օգտագործումը կապված է բարձր խոլեստերինի և արյան ճնշման ռիսկի հետ, կարող է մեծացնել քաղցկեղի, շաքարախտի առաջացումը։
Խնդիրները կարող են առաջանալ ոչ միայն բուն մթերքի պատճառով։ Կարևոր է, թե ինչպես եք այն պատրաստում: Տապակած և հատկապես թեթևակի այրված միսը կարող է պարունակել քաղցկեղածին նյութեր։ Նաև միսը հաճախ վերամշակվում է և պարունակում է մեծ քանակությամբ աղ, ինչը նույնպես օգտակար չէ առողջության համար։
Բայց որոշ մարդկանց համար կարմիրը կարող է ավելի լուրջ ազդեցություն ունենալ, գրում է Lisa.ru-ն:
1. Բարձր խոլեստերին ունեցող մարդիկ
Եթե մարդն արդեն բարձր խոլեստերին ունի, կարմիր միս ուտելը չի օգնի նվազեցնել այն, այլ միայն կավելացնի այն: Հետևաբար, անհրաժեշտ է սահմանափակել կարմիր մսի օգտագործումը ամսական մոտ մեկ կամ երկու անգամ:
2. Սրտանոթային համակարգի խանգարումներ ունեցող մարդիկ
Եթե մարդն ունի սրտի հիվանդության ռիսկի գործոններ, ինչպիսիք են արյան բարձր ճնշումը, բարձր խոլեստերինը, շաքարախտը, գիրությունը, ֆիզիկական ակտիվության և պատշաճ սնվելու բացակայությունը, նա պետք է սահմանափակի կարմիր միսը սննդակարգում:
3. Երիկամների խնդիրներ ունեցող մարդիկ
Սպիտակուցներով հարուստ դիետաները, երբ երիկամները լավ չեն աշխատում, կարող են ավելի շատ վնաս հասցնել, քան օգուտ:
4. Քաղցկեղի նկատմամբ գենետիկ նախատրամադրվածություն ունեցող մարդիկ
Որոշ ուսումնասիրություններ կարմիր մսի հաճախակի օգտագործումը կապում են հաստ աղիքի քաղցկեղի բարձր ռիսկի հետ:
Ուստի, եթե ունեք այս տեսակի քաղցկեղով հիվանդ հարազատներ, ապա պետք է ավելի զգույշ լինել կարմիր մսի հետ։
Պատրաստեց Անի Գաբուզյանը
Լուսանկարը՝ unsplash.com
