Երևանի ավագանու նիստը չի կայանա
Սահմանային իրավիճակով պայմանավորված՝ Երևանի ավագանու նիստը անորոշ ժամանակով հետաձգվել է։
Այս մասին հայտնեցին Երևանի քաղաքապետարանի լրատվության բաժնից։
Սեպտեմբերի 13-ին, ժամը 11:00-ին, պետք է գումարվեր Երևան քաղաքի ավագանու 9-րդ նստաշրջանի 1-ին նիստը։ Օրակարգում 27 հարց կար, այդ թվում՝ Տիգրան Ավինյանին՝ Երևանի քաղաքապետի տեղակալ նշանակելու վերաբերյալ։
Տիգրան Ավինյանը «Քաղաքացիական պայմանագիր» կուսակցության Երևանի քաղաքապետի թեկնածուն է։ Երևանի ավագանու ընտրությունները նախատեսված են 2023 թվականի աշնանը։
