Հայաստանում գրասենյակ է բացվել ԼԳԲՏՔ տրանս համայնքի համար. ներկա է եղել ՄԻՊ Քրիստիննե Գրիգորյանը
Իրավունքի կողմ իրավապաշտպան ՀԿ-ի կողմից Երևանում բացվել է նոր գրասենյակ՝ ապահով տարածք ԼԳԲՏՔ տրանս համայնքի համար։
Գրասենյակի բացման արարողությանը մասնակցել է նաև ՄԻՊ Քրիստիննե Գրիգորյանը։
«Այժմ ԼԳԲՏՔ համայնքը, նրանց ընտանիքի անդամները և համայնքի աջակիցները հնարավորություն ունեն ստանալու իրավաբանական և հոգեբանական խորհրդատվություն և աջակցություն։
Դեսպան Սվենսոնը ներկա էր բացման արարողությանը` Նիդեռլանդների, Միացյալ Թագավորության դեսպանների և Հայաստանի մարդու իրավունքների պաշտպանի հետ` ի նշան նախաձեռնության աջակցության: #humanrightsforall»,- ասված է Հայաստանում Շվեդիայի դեսպանատան հաղորդագրությունում։
Հայաստանում Նիդերլանդների դեսպան Նիկո Սխերմերսն էլ գովասանքի խոսքեր է հղել այդ նախաձեռնությանը. «Հաճելի էր ներկա գտնվել Իրավունքի կողմ իրավապաշտպան ՀԿ-ի նոր գրասենյակի ու ԼԳԲՏՔ տրանս համայնքի համար ստեղծված ապահով տարածքի բացման պաշտոնական արարողությանը։ Նաեւ հպարտ եմ Նիդերլանդների կառավարության ներդրմամբ այս կարևոր նախաձեռնության համար»։
