Ռուբեն Վարդազարյանի և Գագիկ Ջհանգիրյանի հանդիպման միակ վկային՝ Ստեփան Միքայելյանին, կանչել են հարցաքննության
ԲԴԽ նախկին նախագահ Ռուբեն Վարդազարյանի և Գագիկ Ջհանգիրյանի հանդիպման միակ վկան՝ ԲԴԽ անդամ Ստեփան Միքայելյանը, ծանուցվել է հարցաքննության համար՝ Ռ. Վարդազարյանի հրապարակած աղմկահարույց ձայնագրության վերաբերյալ ՔԿ-ում նախաձեռնված քրեական վարույթի շրջանակներում։ ՀՀ քննչական կոմիտեի մամուլի քարտուղար Վարդան Թադևոսյանը «Փաստինֆո»-ի հետ զրույցում հաստատեց տեղեկությունը՝ նշելով, որ ԲԴԽ անդամ Ստեփան Միքայելյանը ՀՀ դատական օրենսգրքով սահմանված կարգով ծանուցվել է իր մասնակցությամբ, որպես վկա, «հարցաքննություն» քննչական գործողություն իրականացնելու մասին։
Նշենք, որ ավելի վաղ ՔԿ-ում վկայի կարգավիճակով հարցաքննվել էր նաև Ռուբեն Վարդազարյանը, ցուցմունք տվել։ Նա մեզ հետ զրույցում հայտնել էր, որ ձայնագրության ամբողջական տարբերակը չի տրամադրի քննիչին։
ՔԿ-ից «Փաստինֆեն» փորձել է պարզել՝ արդյո՞ք Գագիկ Ջհանգիրյանն արդեն հարցաքննվել է, սակայն այս հարցի վերաբերյալ տեղեկություն չտրամադրվեց։
