ՀՀԿ-ն մասնակցում է Միջազգային դեմոկրատական միության (IDU) ֆորումին
Այս օրերին ՀՀԿ Արտաքին կապերի հանձնաժողովի ղեկավար Լիլիթ Բեգլարյանը գտնվում է Բեռլինում՝ մասնակցելու Միջազգային դեմոկրատական միության (IDU) ֆորումին։
Ֆորումի օրակարգը հագեցած է։ Քննարկումներ են տեղի ունենում ժողովրդավարության զարգացման, քրիստոնեադեմոկրատական արժեքների տարածման, աշխարհաքաղաքականն մարտահրավերների, դրանց հաղթահարման ուղիների, ինչպես նաև միջազգային համագործակցության արդյունավետության բարձրացման վերաբերյալ։
Ֆորումին մասնակցում են 200-ից ավելի պատվիրակներ, քաղաքական գործիչներ աշխարհի բոլոր մայրցամաքներից։
Ծրագրի ընթացքում նախատեսված է IDU խորհրդի նոր կազմի ընտրությունը։
Ֆորումի շրջանակներում տեղի է ունեցել նաև Միջազգային երիտասարդական դեմոկրատական միության (IYDU) խորհրդի հավաքը, որին որպես ընտրված խորհրդի անդամ մասնակցել է Լիլիթ Բեգլարյանը։
ՀՀԿ-ը բարձր է գնահատում IDU-ի և IYDU-ի հետ երկկողմ և բազմակողմ համագործակցության հետագա հեռանկարները:
