9 նշան, որ Ձեր մտերիմ մարդը ալկոհոլամոլ է

1. Ագրեսիա և ժխտում

Հնարավոր պրոբլեմը քննարկելու Ձեր յուրաքանչյուր փորձը կկանխվի, որովհետև ըստ ալկոհոլամոլի կարծիքի՝ պրոբլեմ գոյություն չունի: Նա կհավաստիացնի, որ ամեն ինչ հսկողության տակ է, կկատակի, կզայրանա, կամ նույնիսկ ագրեսիա կդրսևորի:

2. Չխմելու պատճառ չկա

Ալկոհոլամոլը միշտ ինչ-որ համոզիչ պատճառ է գտնում խմելու համար: Դա կարող է լինել «հանդիպում մանկության ընկերոջ հետ», «գործընկերոջ երեխայի ծնունդը», «տարվա 101-րդ օրը» և այլն: Եվ այս բոլոր առիթներն ալկոհոլամոլի համար լուրջ պատճառներ են:

3. Ալկոհոլը փոխարինում է կերակուրին

Ընտրություն կատարելով «խմելու» և «ուտելու» միջև, ալկոհոլամոլը միշտ ընտրում է առաջինը: Ինչո՞ւ ուտել, եթե կարելի է 1-2 բաժակ գարեջուր խմել, և քաղցի զգացողությունը կկորչի: Այդ պատճառով հաճախ ալկոհոլամոլները պարզապես կորցնում են ախորժակը:

4. Փոփոխություններ վարքագծի մեջ

Սպիրտի ազդեցության տակ ալկոհոլամոլի վարքագիծը փոխվում է և որպես կանոն՝ ոչ դեպի լավը: Խոսքը գնում է ագրեսիայի և տարօրինակ պահվածքի մասին:

5. Սթափություն = վատ տրամադրություն

Ալկոհոլամոլը գեթ մեկ օր նույնիսկ չի կարողանում առանց սպիրտային խմիչքի: Յուրաքանչյուր առիթ ուղեկցվում է ալկոհոլով: Չէ՞ որ նման մարդկանց թվում է, որ ուրախանալ այլ կերպ հնարավոր չէ:

6. Գինարբուք՝ հարբելու համար

Ալկոհոլամոլը չի հասկանում՝ ինչո՞ւ խմել 1-2 բաժակ, եթե դրանից ոչ մի «օգուտ» չի լինում: Ըստ նրանց՝ պետք է խմել հարբելու համար, այլ ոչ թե՝ հաճույքի:

7. Հիշողության կորուստներ

Որոշ մարդիկ հարբած վիճակում ուղղակի խելագար բաներ են անում, բայց սթափվելուց հետո ոչինչ չեն հիշում: Նրանք չեն ձևացնում: Իրականում յուրաքանչյուր խմիչքի չափաբաժնի օգտագործումից հետո ալկոհոլամոլի ուղեղը սկսում է ավելի վատ աշխատել:

8. Կարելի է խումհարից դուրս չգալ

Ալկոհոլամոլները կարող են խումհարից դուրս չգալ, և դա կամքի ուժի շնորհիվ չէ, ուղղակի նրանք սովոր են լինել այդ սարսափելի վիճակում և հերթական անգամ խմելով՝ գիտակցում են, որ իրենց շատ վատ կզգան:

9. Միշտ ինչ-որ տեղ խմիչք ունեն պահած

Իսկական ալկոհոլամոլները միշտ ինչ-որ տեղ խմիչք ունեն պահած: Վաղ թե ուշ նման մարդիկ սկսում են միայնակ խմել, և այդ ժամանակ այս պահուստային խմիչքները դառնում են իսկական «փրկություն»:

Պատրաստեց Անի Գաբուզյանը