Վարդենիս համայնքի ղեկավարը հաստատեց. ունենք զոհ
Այսօր տեղեկություն տարածվեց, որ ադրբեջանական կողմը երեկ կրակոցներ է արձակել Վարդենիսի ուղղությամբ, ինչի արդյունքում ունենք զոհ։ Պաշտպանության նախարարությունը դեպքի առնչությամբ որևէ հաղորդագրություն չի տարածել, չպատասխանեցին նաև 168.am-ի հեռախոսազանգերին։
Մեզ հաջողվեց զրուցել Վարդենիս համայնքի ղեկավար Ահարոն Խաչատրյանի հետ, ով հաստատեց, որ երեկ կրակոցներ են եղել թշնամու կողմից, ունենք մեկ զոհ։ Այս պահին հարաբերական անդորր է։
