Վրաստանում մայիսին գնաճն արագացել է մինչև 13,3 տոկոս
Վրաստանում տարեկան գնաճն ընթացիկ տարվա մայիսին կազմել է 13,3 տոկոս: Մեկ ամիս առաջ այդ ցուցանիշը կազմել է 12,8 տոկոս, ասված է Վրաստանի Վիճակագրության ազգային ծառայության՝ «Սաքստատի»՝ հունիսի 3-ին հրապարակված վիճակագրական տվյալներում։
Մայիսն ամենից շատ տարեկան հաշվարկով աճել են մրգերի եւ խաղողի (13 տոկոս), հացի եւ հացամթերքների (4,8 տոկոս), ծովամթերքի (1,8 տոկոս), յուղի եւ ճարպերի (1,6 տոկոս), հանքային եւ աղբյուրի ջրերի, ոչ ալկոհոլային ըմպելիքների եւ բնական հյութերի (1,2 տոկոս) գները:
Դրա հետ մեկտեղ Վաստանում էժանացել են կաթը, պանիրը եւ ձուն (- 4,5 տոկոս):
Վրաստանում գնաճը տարեկան հաշվարկով սկսել է աճել 2021 թվականի մարտից: Գնաճային գործընթացների զսպման համար հանրապետության Ազգային բանկն սկսել է խստացնել դրամական քաղաքականությունը՝ բարձրացնելով վերաֆինանսավորման հարկադրույքը՝ մինչեւ տարեկան 11 տոկոս:
Վրաստանի Ազգային բանկը հուսով է, որ 2022 թվականի վերջին գնաճի ցուցանիշը կկրճատվի մինչեւ նպատակային 3 տոկոս, բայց Ուկրաինայի շուրջ իրադրության պատճառով , ակնհայտ է, դրան հասնել չի հաջողվի, հաղորդել է ՏԱՍՍ-ը:
