Առաջաձորի բնակիչները շարունակում են դիմակայել ժամանակի փորձություններին. համայնքապետ
ԱՀ Մարտակերտի շրջանի Առաջաձոր գյուղի բնակչության զբաղվածության հիմնական ուղղությունները անասնապահությունը, այգեգործությունն ու բանջարաբոստանային կուլտուրաների մշակումն է։
Այս մասին «Արցախպրես»-ի թղթակցի հետ զրույցում ասել է ԱՀ Մարտակերտի շրջանի Առաջաձոր համայնքի ղեկավար Վահրամ Անդրեասյանը:
«Գյուղի բնակիչները շարունակում են դիմակայել ժամանակի փորձություններին։ Ունենք գործող դպրոց, որտեղ սովորում է 129 աշակերտ։ Մանկապարտեզ հաճախում է 25 սան։ Ունենք նաև գործող, բայց վերանորոգման ենթակա բուժկետ, իսկ համայնքապետարանը գործում է ազատ տներից մեկում»,-ներկայացրել է մեր զրուցակիցը։
Նրա խոսքով` 44-օրյա պատերազմից հետո գյուղում տեղահանված քսաներկու ընտանիք է հաստատվել։ Համայնքը գազաֆիկացված է, ապահովված շուրջօրյա ջրամատակարարմամբ, էլեկտրաէներգիայով։
