«Արցախի գազն ի՞նչ կապ ունի ընտրությունների հետ». Արալեզի գյուղապետ       

Արալեզի թիվ 10/13 ընտրատեղամասում, ինչպես նաև Վեդի համայնքի այլ ընտրատեղամասերում, ջեռուցումը բացակայում է:

Ընտրատեղամասը տեղակայված է գյուղի մշակույթի տանը:

168.am-ն Արալեզի գյուղապետ Մարտիկ Թևոնյանից (մարզպետ Սպարտակ Թևոնյանի ազգականը) հետաքրքրվեց, թե ինչո՞ւ ջեռուցում չկա, ինչին ի պատասխան՝ նա ասաց, որ գծերը քաշած են, աշխատում են որ մշակույթի տունը գազիֆիկացնեն:

Հարցին՝ իսկ այս պահին ինչո՞ւ որևէ տաքացուցիչ չեն միացնում, գյուղապետը պատասխանեց, որ հոսանքալարերը կվնասվեն:

Գյուղապետից նաև հետաքրքրվեցինք՝ արդյոք հնարավոր չէ՞ր ընտրությունները հետաձգել` հաշվի առնելով Արցախում ստեղծված իրավիճակը, անվտանգային խնդիրները և գազատարի անջատված լինելը, ինչն արցախցիների համար հումանիտար աղետ է ստեղծել:

«Արցախի գազն ի՞նչ կապ ունի ընտրությունների հետ, ընտրությունների օրը դեռ մի քանի  ամիս առաջ էր նշանակված, դադարեցնեի՞նք ընտրությունները»:

Հարցին` հնարավո՞ր չէր հետաձգել, գյուղապետը պատասխանեց. «Էհ թող հետաձգեին, հետաձգողը ե՞ս եմ»:

Հիշեցնենք, որ այսօր Վեդի խոշորացված համայնքը ղեկավարներ է ընտրում։