Հիշո՞ւմ եք ՊՆ որևէ նախարար, որ այդքան ակտիվորեն մասնակցեր քարոզարշավի. Գարիկ Սարգսյանը չպատասխանեց Պապիկյանի մասին հարցին
Վեդի խոշորացված համայնքի տեղական ինքնակառավարման մարմինների ընտրություններում ինքն իրեն ընտրած իշխող «Քաղաքացիական պայմանագիր» կուսակցության առաջին համարը` Արարատի նախկին մարզպետ, Նիկոլ Փաշինյանի սանիկ ու մտերիմ, ինչպես ժողովուրդն է նրան անվանում՝ «կոկորդիլոսագետ» Գարիկ Սարգսյանը ընտրատեղամասից մինչև իր ծառայողական ավտոմեքենան հասավ` լռության ուխտը չխախտելով։
Խոշորացված համայնքի ղեկավարի հավակնություններ ունեցող անձը այդպես էլ լրագրողների որէ հարցի չպատասխանեց։
168.am-ի հարցին, թե երբևէ հիշո՞ւմ է, որ Հայաստանի պաշտպանության որևէ նախարար այդքան ակտիվորեն մասնակցեր որևէ մեկի քարոզարշավին, ինչպես դա իր դեպքում արեց Սուրեն Պապիկյանը՝ հատկապես Արցախում վերջին լարվածությունների ֆոնին, վերջինս նույնպես ոչ մի պատասխան չտվեց։
