Տղամարդը Գյումրիում փորձել էր բնակարանից գողություն անել
Մարտի 22-ին ոստիկանություն հաղորդում տված կինը հայտնել էր, որ ժամը 10.30-ի սահմաններում, երբ ինքը տանն է եղել, անհայտ անձը բանալիով փորձել է բացել մուտքի դուռը: Ինքը չի արձագանքել, իսկ բանալին ներսից փականի մեջ լինելու պատճառով անհայտ անձը դուռը բացել չի կարողացել և հեռացել է:
Փաստի առթիվ գողության փորձի հատկանիշներով քրեական գործ էր հարուցվել:
Ոստիկանության Կումայրիի բաժնի քրեական հետախույզների, Շիրակի մարզային վարչության և Մուշի բաժնի ծառայողների համատեղ ձեռնարկած միջոցառումների շնորհիվ մարտի 24-ին, բնակարանային գողությունը կատարելու կասկածանքով, ոստիկանության Կումայրիի բաժին բերման է ենթարկվել Աբովյան քաղաքի բնակիչ, 33-ամյա մի տղամարդ, ապա ներկայացվել է վարույթն իրականացնող մարմնին:
33-ամյա աբովյանցին ձերբակալվել է:
Կատարվում է նախաքննություն:
