ԱԳՆ, տանը մարդ կա՞
ՀՀ արտաքին դիվանագիտական կառույցը, որը երկար ժամանակ անգործության է մատնված, այս օրերին ևս ցուցադրում է իր դիվանագիտության «բոբիկությունը»: Այն ժամանակ, երբ Արցախի Պաշտպանության բանակը (ՊԲ) հայտարարում է երկու զոհի և վիրավորների մասին, այն ժամանակ, երբ ՀՀ բոլոր ուժերը՝ դիվանագիտական և ոչ միայն, պետք է ուղղված լինեն Արցախում իրադրության կայունացմանը, ՀՀ ԱԳՆ-ն թվիթերյան էջի հետևորդներին մատուցում է տեղեկատվություն, որն այս պահին այդքան էլ էական չէ հայաստանյան հասարակության համար:
Քիչ առաջ ՀՀ ԱԳՆ թվիթերյան էջում հրապարակվել է հետևյալ տեղեկատվությունը. «Այսօր Հայաստանը և Ֆինլանդիան տոնում են դիվանագիտական հարաբերությունների հաստատման 30-ամյակը»: Որևէ կերպ չնվաստացնելով հայ-ֆիննական հարաբերությունների բարձրագույն մակարդակը և դրանց նշանակությունը, սակայն մեր ԱԳՆ-ից հենց այս պահին հանրությունն այդ մեկնաբանությանը չէ, որ սպասում է: ՀՀ ԱԳՆ-ից ակնկալվում է ակտիվ դիվանագիտական աշխատանք բոլոր ուղղություններով, հայտարարություններ, հեռախոսազանգեր, կոչեր միջազգային կառույցներին, աշխատանք դիվանագիտական խողովակներով և պարզապես իրավիճակի ներկայացում:
Կարծես թե իրեն Լիխտեյնշտեյն համարող ՀՀ ԱԳՆ-ն բնավ մոռացել է Հայոց հայրենիքի մի հատվածի՝ Արցախի վրա կախված սպառնալիքի մասին:
