Մեծ Բրիտանիան ՆԱՏՕ-ի գագաթնաժողովում կհորդորի՝ ավելացնել զենքի մատակարարումներն Ուկրաինային. Times
Times թերթը, վկայակոչելով արեւմտյան պաշտոնյայի, գրում է, որ Մեծ Բրիտանիան Բրյուսելում կայանալիք ՆԱՏՕ-ի արտահերթ գագաթնաժողովում մտադիր է կոչ անել՝ ավելացնել սպառազինությունների մատակարարումներն Ուկրաինային։
Աղբյուրի խոսքով՝ Լոնդոնը մտադիր է հայտարարել Ուկրաինային զենքի մատակարարումներ ավելացնելու «շտապ անհրաժեշտության» մասին՝ ուկրաինական զորքերի «դիմադրության կարողությունը բարելավելու նպատակով»:
«Մենք փորձում ենք մեծացնել նրանց անհրաժեշտ զենքի հոսքը, առկա է մշտական անբավարարություն»,-թերթը մեջբերում է պաշտոնյայի խոսքը:
ՆԱՏՕ-ի արտահերթ գագաթնաժողովը Բրյուսելում կանցկացվի մարտի 24-ին, հաղորդել է ՌԻԱ Նովոստին:
