Շվեյցարիան Մոլդովա կուղարկի 2 միլիոն ֆրանկ
Շվեյցարիան 2 միլիոն ֆրանկ կտրամադրի Մոլդովային, որտեղ առաջացել են Ուկրաինայից փախստականների մեծ հոսքի եւ տնտեսական խնդիրներ: Մարտի 22-ին այդ մասին հայտնել է Շվեյցարիայի նախագահ Իլյացիո Կասիսը՝ Քիշնեւում հանրապետության նախագահ Մայա Սանդուի հետ կայացած համատեղ ճեպազրույցում։
«Շվեյցարիան լրացուցիչ Մոլդովային կտրամադրի 2 միլիոն ֆրանկ: (…) Մենք նաեւ հանրապետություն ենք ուղարկել 20 տոննա հումանիտար օգնություն փախստականների համար»,- ասել է Կասիսը:
Ավելի վաղ Մոլդովայի կառավարությունը ֆինանսական օգնության է դիմել Եվրամիությանը ֆինանսական դժվարությունների հետեւանքով:
Դրանց պատճառը նաեւ փախստականների հոսքն է եւ արեւելյան գործընկերների հետ առեւտրական կապերի խզումը:
Հանրապետությանն աջակցելու համար մարտին Քիշնեւ են ժամանել Եվրամիության, Գերմանիայի, Դանիայի, Իտալիայի, ԱՄՆ-ի, Ֆրանսիայի եւ էստոնիայի պաշտոնյաներ:
Այսօրվա դրությամբ Մոլդովայում մնում է 100 հազարից ավելի փախստական, որոնց կեսը երեխաներ են, հաղորդել է ՏԱՍՍ-ը:
