Թունիսի ափերի մոտ նավաբեկության հետևանքով զոհված միգրանտների թիվը հասել է 25-ի
Թունիսի ափերի մոտ անօրինական միգրանտներով նավի խորտակման հետեւանքով զոհվածների թիվը հասել է 25-ի: Մարտի 20-ին այդ մասին հայտնել է Թունիսում Միգրացիայի միջազգային կազմակերպության ներկայացուցչությունը։
«Վերջին երկու օրը ծովը Նաբյոլի ափ է դուրս հանել 25 մարդու մարմին»,- ասված է ներկայացուցչության Twitter-ի էջում զեղեղված հաղորդագրության մեջ: Կազմակերպության տվյալներով՝ նավում կարող էր լինել 60 մարդ:
Ավելի վաղ «Սինհուա» գործակալությունը հայտնել է 20 զոհվածների մասին: Ռոյթեր գործակալությունը, վկայակոչելով Թունիսի Քաղաքացիական պաշտպանության ազգային ծառայության ներկայացուցչին, տեղեկացրել է, որ միգրանտերի մեծ մասը եղել են սիրիացիներ, հաղորդել է ՏԱՍՍ-ը:
