Պուտինը հեռախոսազրույց կանցկացնի Մակրոնի հետ
Ռուսաստանի նախագահ Վլադիմիր Պուտինն ուրբաթ օրը՝ մարտի 18-ին, հեռախոսազրույց կունենա Ֆրանսիայի նախագահ Էմանուել Մակրոնի հետ եւ խորհրդակցություն կանցկացնի Ռուսաստանի Անվտանգության խորհրդի մշտական անդամների հետ: Այդ մասին հայտարարել է պետության ղեկավարի մամուլի քարտուղար Դմիտրի Պեսկովը:
«Առավոտյան արդեն հեռախոսազրույց է տեղի ունեցել Գերմանիայի կանցլեր Շոլցի հետ… հավանաբար, մեկ ժամ նախագահն օպերատիվ խորհրդակցություն կանցկացնի Ռուսաստանի Անվտանգության խորհրդի մշտական անդամների հետ»,-ասել է նա: «Երեկոյան պլանավորված է նախագահի հեռախոսազրույցը: Դա լինելու է զրույց Էմանուել Մակրոնի հետ»,-հավելել է Պեսկովը, հաղորդել է ՌԻԱ Նովոստին:
