Ռաֆայել Նադալը «Ինդիան-Ուելս»-ի կիսաեզրափակիչում է
Իսպանացի թենիսիստ Ռաֆայել Նադալը դուրս է եկել «Ինդիան-Ուելս»-ի կիսաեզրափակիչ:
ATP Masters շարքի «Ինդիան-Ուելս» մրցաշարի տղամարդկանց մենախաղի ¼ եզրափակիչում Ռաֆայել Նադալը մրցեց Ավստրալիան ներկայացնող Նիկ Կիրոսի հետ: 2 ժամ 48 րոպե ձգված մրցախաղն ավարտվեց երեք սեթերից հետո` 7:6, 5:7, 6:4 հաշվով:
Եզրափակիչ դուրս գալու համար Նադալն ուժերը կչափի Կարլոս Ալկարաս-Կեմերոն Նորի զույգի հաղթողի հետ:
