Կանադայում արգելել են RT-ի և RT France հեռուստաալիքների հեռարձակումը
CRTC կանադական կարգավորիչը երկրում արգելել է RT եւ RT France հեռուստաալիքների հեռարձակումը, որոնք ֆինանսավորվում են Ռուսաստանի կառավարության կողմից: Այս մասին հաղորդում է CBC հեռուստառադիոկորպորացիան:
CRTC-ում պարզաբանել են, որ երկու հեռուստաալիքներն էլ հանվել են այն օտարերկրյա ռեսուրսների ցուցակից, որոնց թույլատրված է Կանադայում տարածել իրենց ծրագրերը: Որպես այդ քայլի պատճառ նշվել է «չափորոշիչներին ծրագրերի անհամապատասխանությունը»:
2022 թվականի մարտի սկզբին կարգավորիչն արդեն նախազգուշացրել էր, որ հակված է այդպիսի որոշում ընդունելուն, հաղորդել է «Ինտերֆաքս»-ը:
