Ռաֆայել Հարությունյանի սան, օլիմպիական չեմպիոն Նեյթոն Չենը չի մասնակցի աշխարհի առաջնությանը
Օլիմպիական խաղերի չեմպիոն, գեղասահորդ Նեյթոն Չենը չի մասնակցի աշխարհի առաջնությանը: Պեկինի ձմեռային Օլիմպիական խաղերում գեղասահքի տղամարդկանց մենասահքի չեմպիոն Նեյթոն Չենը մասնակցություն չի ունենա աշխարհի առաջնությանը վնասվածքի պատճառով: Գեղասահորդը որոշում է կայացրել բաց թողնել աշխարհի առաջնությունը վնասվածքը չխորացնելու համար:
Գեղասահքի աշխարհի առաջնությունն այս տարի կանցկացվի Ֆրանսիայի Մոնպելյե քաղաքում` մարտի 21-27-ը:
Գեղասահորդ Նեյթան Չենը հայազգի մասնագետ Ռաֆայել Հարությունյանի սանն է, ով դարձավ Պեկինի Օլիմպիական խաղերի չեմպիոն: Տղամարդկանց ազատ վարժության ժամանակ Չենը վաստակեց 218,63 միավոր և ընդհանուր 332,60 միավորով դարձավ Օլիմպիական խաղերի չեմպիոն: Չենը համաշխարհային ռեկորդ էր սահմանել կարճ ծրագրում` 113,97 միավորով: Ռաֆայել Հարությունյանը Նեյթան Չենի հետ սկսել է աշխատել 2011 թվականից: Այս ընթացքում Չենը դարձել է աշխարհի եռակի չեմպիոն, ինչպես նաև Օլիմպիական խաղերի թիմային հաշվարկի բրոնզե մեդալակիր:
