Չարենցավան քաղաքի կարի ֆաբրիկայի պահեստում հրդեհ է բռնկվել. դեպքի վայր է մեկնել 4 մարտական հաշվարկ
Կոտայքի մարզային ճգնաժամային կառավարման կենտրոն մարտի 16-ին, ժամը 12։35-ին ահազանգ է ստացվել, որ հրդեհ է բռնկվել Չարենցավան քաղաքի կարի ֆաբրիկայի պահեստում:
Հրդեհի բարդության «Թիվ 2» կանչով դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից չորս մարտական հաշվարկ։
Ըստ նախնական տվյալների՝ հրդեհը բռնկվել է հումքի պահեստի տարածքում (մոտ 30 քմ): Պատճառված վնասների մասին դեռևս հստակ տեղեկություն չկա:
