Թուրքիայի և Հունաստանի ղեկավարներն ընդգծել են երկու երկրների հարաբերությունների բարելավման անհրաժեշտությունը
Ստամբուլում մարտի 13-ին հանդիպել են Թուրքիայի նախագահ Ռեջեփ Թայիփ Էրդողանը և Հունաստանի վարչապետ Կիրիակոս Միցոտակիսը: Այս մասին հայտնում է թուրքական Hurriyet-ը:
Հանդիպումը տևել է մոտ երկու ժամ:
Էրդողանի և Հունաստանի վարչապետ Միցոտակիսի հանդիպման ժամանակ ընդգծվել է երկու երկրների հարաբերությունների բարելավման անհրաժեշտությունը։
Էրդողանն ընդգծել է Թուրքիայի ձեռնարկած քայլերը՝ հարաբերություններում նոր էջ բացելու նպատակով։
Թուրք-հունական հարաբերություններից բացի կողմերը քննարկել են աշխարհաքաղաքական, ինչպես նաև ռուս-ուկրաինական հարաբերությունների հետ կապված հարցեր:
Կողմերը պատրաստակամություն են հայտնել, չնայած առկա խնդիրներին, բարելավել երկկողմ հարաբերությունները, ինչպես նաև երկկողմ առևտրաշրջանառությունը 10 մլրդ դոլարի հասցնելու ուղղությամբ քայլեր ձեռնարկել:
