Թուրքմենստանում մեկնարկել են արտահերթ նախագահական ընտրությունները
Թուրքմենստանում բացվել են բոլոր ընտրական տեղամասերն ու մեկնարկել են արտահերթ նախագահական ընտրությունները: Նախագահի պաշտոնի համար պայքարում է ինը թեկնածու, որոնց շարքում գործող նախագահ Գուրբանգուլի Բերդիմուհամեդովի որդին՝ փոխվարչապետ Սերդար Բերդիմուհամեդովը:
ՏԱՍՍ-ի փոխանցմամբ, երկրի տարածքում գործում է 2577 ընտրատեղամաս, իսկ արտերկրում՝ 41: Գրանցված ընտրողների թիվը 3 մլն 459 հազար 63 է:
Փետրվարի 11-ին գործող նախագահ Գուրբանգուլի Բերդիմուհամեդովը հայտարարել էր, որ որոշել է ճանապարհ բացել՝ իշխանությունը հանձնելու երիտասարդներին: Նա ընդգծել էր, որ երկու տարի առաջ հասել է Մուհամեդ մարգարեի տարիքին (63) և ընդունել է «դժվարին որոշում»:
