Դարդանելի նեղուցը փակել են նավերի երթեւեկության համար
Դարդանելի նեղուցը նավերի երթեւեկության համար փակ է նավի անսարքության պատճառով: Այդ մասին ասվում է Թուրքիայի տրանսպորտի եւ ենթակառուցվածքի նախարարությանն առընթեր ծովային գործերի գլխավոր վարչության մարտի 11-ին տարածված հայտարարության մեջ:
«Այն պատճառով, որ վաղ առավոտյան «Կապիտան Շիրյագին» նավը խրվել է ծանծաղուտի մեջ, Չանաքալե նավահանգստի վարչակազմը փակել է երկկողմ ծովային նավագնացությունը նեղուցով եւ, պաշոնեական հրահանգներին համապատասխան, ցուցումներ են տրվել նավը փրկելու համար»,-ասվում է հայտարարության մեջ, հաղորդել է ՌԻԱ Նովոստին:
