Թուրքիայում ծրագրում են 2023-ին իրականացնել անօդաչու կործանիչի 1-ին թռիչքը
Թուրքիայում ծրագրում են «Baykar savunma» ընկերության կողմից նախագծվող անօդաչու կործանիչի առաջին թռիչքն իրականացնել 2023 թվականին:
Այս մասին, ըստ ermenihaber.am-ի՝ հայտնել է ընկերության տեխնիկական տնօրեն, Թուրքիայի նախագահի փեսա Սելչուք Բայրաքթարը:
Թուրքիայի Գեբզեի տեխնիկական համալսարանի ուսանողների հետ հանդիպման ժամանակ Բայրաքթարը հայտարարել է, որ նոր «Bayraktar TB3» հարվածային անօդաչու թռչող սարքերը (ԱԹՍ) և անօդաչու կործանիչները հեղափոխություն են անելու ռազմական պատմության մեջ՝ դա համեմատելով 44-օրյա պատերազմում «Բայրաքթար TB2» ԱԹՍ-ների դերի հետ, որոնք ըստ իրեն՝ բեկումնային ազդեցություն են ուենցել արցախյան վերջին պատերազմում:
